Ashok Kharat Nashik : नाशिकमध्ये भोंदू बाबावर कारवाई; महिलांच्या शोषणाचा आरोप, SIT कडून तपास सुरू
अध्यात्माच्या आणि अंकशास्त्राच्या नावाखाली महिलांची फसवणूक करणाऱ्या अशोक खरातच्या पापकर्माचा घडा अखेर भरला आहे. नाशिक पोलिसांनी खरातला अटक केल्यानंतर या प्रकरणाची व्याप्ती मोठी असल्याचे समोर आले आहे. खरातच्या कॅनडा कॉर्नर येथील कार्यालयात पोलिसांना ५८ आक्षेपार्ह व्हिडिओ सापडले असून, याद्वारे महिलांना ब्लॅकमेल केले जात असल्याची शक्यता वर्तवली जात आहे. प्रकरणाचे गांभीर्य पाहून राज्य सरकारने या तपासासाठी विशेष तपास पथक (SIT) नेमले आहे. खरातच्या सिन्नर येथील फार्म हाऊसवर झडतीदरम्यान बेकायदेशीर पिस्तूल आणि काडतुसेही जप्त करण्यात आली आहेत. या धक्कादायक घटनेमुळे संपूर्ण नाशिक जिल्ह्यात मोठी खळबळ उडाली आहे.
SIT तपास: राज्य सरकारकडून तेजस्विनी सातपुते यांच्या नेतृत्वाखाली विशेष तपास पथक (SIT) तैनात.
शस्त्रसाठा: सिन्नरमधील फार्म हाऊसवर पिस्तूल आणि जिवंत काडतुसे सापडली.
गंभीर आरोप: महिलांचे लैंगिक शोषण आणि ब्लॅकमेलिंग केल्याचा प्राथमिक संशय.
“नाशिक : भोंदू बाबा अशोक खरात (Ashok Kharat Nashik) याला पोलिसांनी अटक केली असून…अध्यात्माच्या नावाखाली महिलांचे लैंगिक शोषण करणाऱ्या अशोक खरात उर्फ ‘कॅप्टन’ याच्या पापकर्माचा पर्दाफाश झाला आहे. नाशिक पोलिसांनी खरातला अटक केल्यानंतर आता राज्य सरकारने या प्रकरणाच्या तपासासाठी SIT (विशेष तपास पथक) नेमले आहे.
पोलिसांनी खरातच्या कार्यालयावर छापा टाकला असता, तिथे तब्बल ५८ आक्षेपार्ह व्हिडिओ सापडले आहेत. या व्हिडिओंमार्फत तो महिलांना ब्लॅकमेल करत असल्याचा संशय आहे. तसेच, त्याच्या सिन्नर येथील फार्म हाऊसवर पोलिसांना बेकायदेशीर पिस्तूल आणि काडतुसेही सापडली आहेत.
स्वतःला ‘अंकशास्त्रज्ञ’ म्हणवून घेणारा हा भोंदू बाबा महिलांना फसवून त्यांचे आयुष्य उद्ध्वस्त करत होता. आता या प्रकरणात कोणकोणते बडे नेते सामील आहेत, याचा तपास SIT करत आहे.
